Plantun de Prouvènço

Pèr coumpara dos planto d'encò nostre

Polypodium vulgare & Euphorbia hirsuta

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Lachusclo(-agarrussido)

Euphorbia hirsuta

Euphorbiaceae

Nom en français : Euphorbe hirsute.

Descripcioun :
Planto mai o mens peludo, i'a pamens toujour de péu sus la costo de dessouto li fueio. Aquésti soun loungarudo e dentado, embrasson un pau la cambo. Li glando soun roundo e lou boursoun berrugous.

Usanço :
Coume tóuti lis meno d'Euphorbia, la lachusclo-agarrussido es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo, un cop pèr jour, vint jour de tèms (L.).

Port : Erbo
Taio : 30 à 100 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto de coustiero

Liò : Ribiero - Roubino
Estànci : Mesoumediterran
Couroulougi : Estenoumediterrano-Ouèst
Ref. sc. : Euphorbia hirsuta L., 1759

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Euphorbia hirsuta

ges

RRR

Coumpara Regalisso-bastardo emé uno autro planto

Coumpara Lachusclo(-agarrussido) emé uno autro planto